Монгол Улсын банк, санхүүгийн салбар нь 2020–2025 оны хугацаанд тогтвортой өсөлттэй байсан бөгөөд банк төвтэй бүтэц давамгай хэвээр байна. Хөрөнгийн зах зээл болон банк бус санхүүгийн сегментүүд хурдацтай тэлж байгаа нь санхүүгийн систем аажмаар төрөлжиж байгааг харуулж байна. Гэвч макро эдийн засгийн эрсдэл, зээлийн өсөлтийн хурд нь бодлогын түвшинд анхаарах шаардлагатай хэвээр байна.
Энэхүү судалгааны ажлын зорилго нь Монгол Улсын банк, санхүүгийн салбарын өнөөгийн байдал, зах зээлийн бүтэц, санхүүгийн бүтээгдэхүүн үйлчилгээний эрэлт, финтек болон цахим санхүүгийн хөгжлийн түвшин, эрх зүйн зохицуулалтын орчин, мөн Гадаадын банк Монголд орж ирэх боломж, салбарын эрсдэл ба тогтвортой байдлын асуудлыг судалж дүгнэлт гаргахад оршино.
